कने सोचियउ त 

1 

बगडा भ गेल निपत्ता,

मुदा गिद्ध भ गेल संरक्षित  !

माने, चाही , अफरात चरी ,

चारूभर सुरक्षा चक्र,

आ भयमुक्त विचरण !

तें तं ,सुरक्षा चक्र में गिद्ध निस्संक लगा रहल छथि  बगडा क भोग !

आ असहाय चिडइ -चुनमुनी मना  रहल अछि मनहि -मन  शोक !!

2

एकटा कोठली तीन टा  लोक ,

बाजा-ने-भुकी , मेल-ने-जोल 

पड़ोसियाक घर में लागल छै आगि ,

मचल छै अनघोल ,

धत्तोरिके ! बुझलियइ कहाँ ,

हमरा सबहक कान में लागल छल फोन !

3 

बाबा, केहन होई छै , बम्मई आम ?

बड होइए सेहन्ता, कने बुझितियइ स्वाद  !

की करू बाउ, कोना बुझाऊ , अद्भुत अछि सवाल  ,

मुदा, पुछियनु पितामह गूगुल के ,

कदाचित् , हुनका लग होइन कोनो बराबरीक स्वाद  !