समैया बसात

1 

अपने बोली,अपने भाखा, लगैए अजगुत 

अपने स्वर लगैए अनचिन्हार 

गामक  सुनल पुरान  गीत लगैए नव 

अपने पुरान  बानि लगैए अनसोहांत । 

2 

चिन्हल रिआय लगैए दडकल 

चिन्हले लोकक व्यवहार देखै छी बदलल 

घोदामाली भेल परिजन सुतै छल निस्संक  निर्विकार

आब, ख़ुशफैल शान्त आवास में, लोक बरमहल अछि  अनिद्राक शिकार ।

3 

नीक लोकक आन करितै प्रशंसा 

अनटोटल व्यवहारक होइतै उपहास 

स्वेच्छा स लोक चुनैत मुखिया 

प्रचारक कोन  दरकार

4 

एखनि विपटा बनल अछि विशिष्ट 

सबतरि उधियाइए  प्रचार 

मुंह कोनो  खतियान छै !

 ठकि   आउ संसार  ! !