चुनाव २०१४

चुनाव देखैत 42 वर्ष भ गेल .बहुत किछु बदलल . बहुत किछु नहिं बदलल. बदलल माने , लोक बदलि गेल. समय बदलि गेल . समाज बदलि गेल . प्रचारक तरीका बदलि गेल. नहिं बदलल, त बैमानी नहिं बदलल . छल स जितबाक प्रपंच नहिं बदलल . प्रलोभन देबाक चालि नहिं बदलल . लोक के ठकबाक बानि नहिं बदलल .
हमरा लोकनिक सांसद चुनाव में सफल होइत छथि . दिल्ली जाइ छथि आ  घूरि क पांच बरखक पछातिये , पुनः चुनाव में निर्लज्ज जकां ,भोट मंगबा लेल अबै छथि . वैह खुरपेरिया बाट  , वैह खाधि - खोड़ा . मोटर के धक्का लगा कय गौआ सब खाधि पार कय  दइ  छनि . टाका क बलें  चुनाव जिता दैत छनि . आ फेर हमर प्रतिनिधि पांच सालक दिल्लीबास पर बिदा भ जाइत  छथि . मुदा , देखी २०१४ केर चुनाव कोन गुल खिलबैत अछि !

कने सोचियउ त 

1 

बगडा भ गेल निपत्ता,

मुदा गिद्ध भ गेल संरक्षित  !

माने, चाही , अफरात चरी ,

चारूभर सुरक्षा चक्र,

आ भयमुक्त विचरण !

तें तं ,सुरक्षा चक्र में गिद्ध निस्संक लगा रहल छथि  बगडा क भोग !

आ असहाय चिडइ -चुनमुनी मना  रहल अछि मनहि -मन  शोक !!

2

एकटा कोठली तीन टा  लोक ,

बाजा-ने-भुकी , मेल-ने-जोल 

पड़ोसियाक घर में लागल छै आगि ,

मचल छै अनघोल ,

धत्तोरिके ! बुझलियइ कहाँ ,

हमरा सबहक कान में लागल छल फोन !

3 

बाबा, केहन होई छै , बम्मई आम ?

बड होइए सेहन्ता, कने बुझितियइ स्वाद  !

की करू बाउ, कोना बुझाऊ , अद्भुत अछि सवाल  ,

मुदा, पुछियनु पितामह गूगुल के ,

कदाचित् , हुनका लग होइन कोनो बराबरीक स्वाद  !

 

समैया बसात

1 

अपने बोली,अपने भाखा, लगैए अजगुत 

अपने स्वर लगैए अनचिन्हार 

गामक  सुनल पुरान  गीत लगैए नव 

अपने पुरान  बानि लगैए अनसोहांत । 

2 

चिन्हल रिआय लगैए दडकल 

चिन्हले लोकक व्यवहार देखै छी बदलल 

घोदामाली भेल परिजन सुतै छल निस्संक  निर्विकार

आब, ख़ुशफैल शान्त आवास में, लोक बरमहल अछि  अनिद्राक शिकार ।

3 

नीक लोकक आन करितै प्रशंसा 

अनटोटल व्यवहारक होइतै उपहास 

स्वेच्छा स लोक चुनैत मुखिया 

प्रचारक कोन  दरकार

4 

एखनि विपटा बनल अछि विशिष्ट 

सबतरि उधियाइए  प्रचार 

मुंह कोनो  खतियान छै !

 ठकि   आउ संसार  ! !

ऋतु परिवर्तन

1

ऋतु परिवर्तन अनैत अछि नव आशा 

ऋतु परिवर्तन कखनो लबैत अछि अगबे निराशा

मुदा , आशा आ निराशा थिक मनक उपज 

आ परिवर्तन थिक मनुक्खक दास 

तें , हे मन ! किएक होइत छह उदास ?

2 

मनुक्खेक मोन थिक नीक बेजायक निकती- तराजू 

आ सत्य-असत्य , नीक-बेजायक पैमाना थिक काल 

मुदा, जीवनक परिधि अछि छोट 

तें मनुक्ख होइत अछि निराश 

मुदा लगाउ त सब मिलि एकबेर जोर

आ करी  पैमाना बदलबाक प्रयास ?

3

हवा में छै परिवर्तनक शुभ संकेत 

वायु कोन में देखैत छियैक बिहाडिक आभास

आह ! अबउ त  एकबेर कसगर झोंकी आ खसा दौ जर्जर दलान

तखने त उठतै नव घर आ नवतुरिया चलाओत  अभियान 

आ फेर बदलल ऋतु में

अओतैक क्लान्त- परिश्रान्त मनुक्ख में जान !

Happy New Year

सर्वे भवन्तु सुखिनः सर्वे सन्तु निरामयाः
सर्वे भद्राणि पश्यन्तु मा कश्चित् दुःखभाग्भवेत्।

कविवर किरण जी क शब्द में 

सब हो सुखी सबहिं नरपाल
सबके भरै अन्न भरि गाल।

एहि हम जोड़ि दैत छियई :

सब हो सुखी सबहिं हो स्वस्थ
हर्षित मन काया बलमंत
नहि हो बिपद् दुःखक नहीं भोग
हो नित  स्वास्थ्य धनक संयोग।

किएक ?

            किएक ?

सब किछुक सुभीता , सब किछु ऐल- फैल खूब भबइए 

मुदा पुरनका छूटल घाव किएक  टहकैए ?                                                       

सबटा लगैए मिथ्या , सबटा थिकैक फूसि 

मुदा, कंठ स बोली किए नै फूटै-ए ?

प्रगतिक दर छै अजगुत 

मुदा , सर्बहारा रसातल में कथी ले धसै -ए ?

मनुखे थिक देवता ,   सब केओ थिका संत 

तखनि , मनुख के मनुख किए ने सोहाई- ए ?

तन्हाई में

                          1
शोर में सुनाई नहीं देती थी अपने ही मन की बातें ,
आज तन्हाई में बहुत सी दास्ताँ याद आई है !

                          2 
मीलों दूर की दौड़  और बेइन्तहां  फजीहत
आज पास की दरिया और अपने ही समन्दर ने मेरा दिल जीता है !

                          3
आसमा को चूमती तुम्हारी बुत कितनी बौनी है
पीपल के नीचे का बैठा वो बुद्ध का शिर कितना ऊंचा है !

                          4
 इंसानियत  ही मजहब की खुशबू है
फिरकापरस्ती ने ही  हम सब को लूटा है  !